Kodivaa yatakiwa kuondoa kinga kwa kundi la 'Dozo'

Kikosi cha Operesheni cha Umoja wa Mataifa nchini Ivory Coast UNOCI kimeitaka serikali ya Ivory Coast kuondoa kinga iliyoliwekea kundi la Dozo ambalo lilitekeleza mauaji ya mamia ya wananchi wa nchi hiyo miaka minne iliyopita. Taarifa iliyotolewa na UNOCI imeeleza kuwa, kundi la Dozo limekuwa likikiuka mara kwa mara haki dhidi ya binadamu nchini humo kwa kufanya mauaji na kuwanyonga watu nje ya vyombo vya mahakama, kukamata watu wasio na hatia, wizi na utapeli.

Uchunguzi uliofanywa na Umoja wa Mataifa unaonyesha kuwa kwa akali watu 228 wameuawa na wengine 164 kujeruhiwa kutoka mwaka 2009 hadi 2013 kutokana na mashambulio yaliyofanywa na kundi hilo, katika hali ambayo kitengo cha haki za binadamu cha UNOCI kinaamini kwamba idadi ya watu waliouawa ni kubwa zaidi kuliko hiyo iliyotajwa. Umoja wa Mataifa umeitaka serikali ya Ivory Coast ilidhibiti kundi la Dozo sanjari na kuchunguza jinai zinazofanywa na kundi hilo.