Mwendesha vipindi wa zamani wa BBC atupwa jela

James Stuart Hall mtangazaji wa zamani wa redio na televisheni ya serikali ya Uingereza BBC amehukumiwa adhabu ya kifungo cha miezi 15 jela baada ya kupatikana na hatia ya kuwabaka wasichana wenye umri mdogo nchini humo. Peter Wright Mwendesha Mashtaka wa Uingereza amesema kuwa, James Stuart Hall mwenye umri wa miaka 83  amekiri kutenda jinai hizo wakati alipokuwa akiendesha moja ya vipindi maarufu kwenye shirika la BBC katika miongo ya 70 na 80.

Amesema kuwa, kwa vile alikuwa mtu mashuhuri, Hall alitumia fursa hiyo ya kujulikana mbele ya jamii wa Waingereza katika kuwarubuni wasichana hao.

Baada ya kutolewa tuhuma dhidi ya Hall, maafisa wa polisi nchini humo walianza uchunguzi dhidi ya Jimmy Savile mwendesha vipindi mwingine mashuhuri wa BBC. Inafaa kuashiria hapa kuwa, shirika la BBC lililazimika kuwaomba radhi wahanga na wananchi wa Uingereza baada ya kufichuliwa kashfa ya kimaadili iliyowakumba watangazaji wa shirika hilo la serikali ya Uingereza.