Watu 13 wauawa nchini Pakistan katika machafuko

Machafuko ya hapa na pale yaliyotokea kaskazini magharibi mwa Pakistan yamepelekea watu 13 kuuawa na wengine wanne kujeruhiwa.

Habari zinasema kuwa, watu wenye silaha walishambulia kituo cha ukaguzi cha vikosi vya usalama katika eneo la Khaybar Ijinsi na kupelekea kujeruhiwa askari wawili. Vikosi vya usalama vya Pakistan vilijibu mashambulizi ya watu wenye silaha na kupelekea kuuawa watu 10 kati yao. Aidha vikosi vya Pakistan pia viliyashambulia maficho ya wanamgambo huko katika jimbo la Manzeki Kandove na kuua wanamgambo watatu. Katika tukio jingine askari wawili wa usalama wa nchi hiyo wamejeruhiwa vibaya kufuatia shambulio la mlipuko wa bomu lililotokea katika mji wa kaskazini wa Waziristan ulio karibu na mpaka na Afghanistan.