Idadi ya wanaokimbia machafuko mashariki mwa Congo yazidi kuongezeka

Idadi ya raia wa Jamhuri ya Kidemokrasia ya Congo wanaokimbilia katika nchi jirani wakikimbia machafuko mashariki mwa nchi hiyo inazidi kuongezeka. Habari kutoka Congo DRC zinasema, raia wengi wa nchi hiyo wanakimbilia katika nchi jirani za Rwanda na Uganda baada ya mapigano mashariki mwa nchi hiyo kushadidi.

Wakimbizi kutoka nchini Kongo

Taarifa zaidi zinasema kuwa, mapigano kati ya vikosi vya serikali ya Kinshasa na wanajeshi waasi jana yaliendelea kuripotiwa katika mbuga ya wanyama ya Virunga iliyoko katika mpaka wa nchi hiyo na Rwanda na Uganda. Hayo yanajiri huku mapigano hayo yakiripotiwa kuingia katika hatua mpya baada ya majeshi ya Congo kuanza kufanya mashambulio ya anga dhidi ya ngome za waasi hao wanaoongozwa na jenerali muasi Bosco Ntaganda.