Rais wa Iran ataka kambi ya kupambana na ugaidi

Rais wa Jamhuri ya Kiislamu ya Iran ametoa wito wa kuweko kambi iliyoungana kwa shabaha ya kupambana na ugaidi. Rais Hassan Rouhani ametahadharisha kuhusiana na mashambulio ya kigaidi dhidi ya ulimwengu wa Kiislamu na kusisitiza kwamba, kuna ulazima wa kuweko kambi moja iliyoungana kwa ajili ya kupambana na ugaidi.

Rais Rouhani amesema hayo katika mazungumzo yake kwa njia ya simu na Nouri al-Maliki, Waziri Mkuu wa Iraq na kubainisha kwamba, Iraq sio mlengwa pekee wa mashambulio ya kigaidi bali vitendo hivyo vya kigaidi vimeratibiwa ili kuzusha fitina na mifarakano katika ulimwengu wa Kiislamu.

Kwa upande wake Nouri al-Maliki, Waziri Mkuu wa Iraq amesisitiza katika mazungumzo yake na Rais wa Iran juu ya azma ya serikali yake ya kupambana na ugaidi.Hayo yanaripotiwa katika hali ambayo, katika siku za hivi karibuni, Iraq imeandamwa na wimbi jipya la mauaji na mashambulio ya kigaidi.