Viongozi wa Zanzibar hawakutengwa ziara ya Obama

Serikali ya Tanzania imekanusha madai yaliyotolewa na baadhi ya vyombo vya habari kwamba viongozi wa Zanzibar walitengwa wakati wa ziara ya Rais Barack Obama wa Marekani nchini humo. Serikali imesema viongozi wote wa Tanzania Bara na Zanzibar walishirikishwa na kwamba Rais Ali Mohammed Shein aliwakilisha watu wa Zanzibar kwenye shughuli hizo. Serikali imeongeza kwamba Rais Shein alikuwa miongoni mwa viongozi wachache waliopata fursa ya kumpokea Obama uwanja wa ndege.

Vyombo vya habari vilikuwa vimeripoti kwamba viongozi wa Zanzibar walizuia kushiriki kwenye shughuli mbalimbali wakati Rais Obama alipokuwa Tanzania siku za Jumatatu na Jumanne. Wakati huo huo serikali ya Tanzania imesema ziara ya Obama ilikuwa na mafanikio makubwa na kwamba imeiletea heshima nchi hiyo sio tu barani Afrika bali duniani kote kwa ujumla.