UM: Kasi ya ongezeko la watu mijini ni tishio

Utafiti uliofanywa na Umoja wa Mataifa kupitia kitendo chake cha Uchumi na Jamii umeonyesha  kuwepo haja ya kuanzisha mikakati mipya ili kukabiliana na changamoto ya watu wengi kuhamia mijini kunakochangiwa na mambo mbalimbali ikiwemo mahitaji ya nishati ya umeme, maji, huduma za umma na elimu.

Kwa mujibu wa utafiti huo, kiasi cha watu bilioni 6.25 watakuwa wanaishi katika maeneo ya mijini hadi kufikia mwaka 2050 na nusu yao wanaelezwa kuwa watakuwa wakiishi  kwenye maeneo ya ovyo ovyo wakikosa huduma muhimu kama maji safi na salama, miundombinu bora, umeme na kukosa huduma za afya na elimu.

Kama hiyo haitoshi utafiti huo unatoa zingatio kwenye eneo la chakula ukitaka kuwepo mabadiliko makubwa kwenye ulaji wa chakula ili kukaribisha mlingano wa ulaji chakula hatua ambayo itasaidia kuepuka kile kinachoelezwa kundi kubwa la chakula kutupwa majalalani.

Shamshad Akhtar, msaidizi wa Katibu Mkuu kuhusiana na maendeleo ya uchumi anasemakatika hali ya sasa agenda ya kubadilisha mwelekeo ili kuwaokoa watu maskini wanaokabiliwa na tatizo la njaa ifikapo mwaka 2015 inaweza isitimie katika eneo la Kusini mwa Jangwa la Sahara.