Mamilioni ya Wairani kushirikiri uchaguzi wa rais leo

Mamilioni ya wananchi wa Iran leo wanaelekea katika vituo vya kupigia kura ili kushiriki katika uchaguzi wa rais hapa nchini. Karibu Wairani milioni 51 wametimiza masharti ya kupiga kura na leo wanatarajiwa kujitokeza kwa wingi kushiriki katika duru ya 11 ya uchaguzi wa rais inayofanyika sambamba na uchaguzi wa duru ya 4 wa mabaraza ya miji na vijiji nchi nzima.

Kampeni za uchaguzi zilimalizika rasmi jana asubuni ambapo wagombea 6 wa uchaguzi huo walihitimisha kampeni zao kwa kusisitiza ilani zao za uchaguzi katika mikoa tofauti.  Wagombea hao watakaopimana nguvu leo ni  mwakilishi mkuu wa Iran katika mazungumzo ya nyuklia  Saeed Jalili,   kamanda wa zamani wa Jeshi la Walinzi wa Mapinduzi ya Kiislamu Mohsen Rezai, mwakilishi wa zamani wa Iran katika mazungumzo ya nyuklia Sheikh Hassan Rohani, waziri wa zamani wa mawasiliano Mohammad Gharazi, meya wa Tehran Mohammad Bager Qalibaf na waziri wa zamani wa mambo ya nje Ali Akbar Velayati.