Wakimbizi wa Libya wakataa kuondoka Tunisia

Mamia ya wakimbizi wa Libya wamekataa kuondoka kwenye kambi ya Choucha iliyoko kusini mwa Tunisia, licha ya jitihada za Kamisheni Kuu ya Wakimbizi ya Umoja wa Mataifa (UNHCR) ya kutaka kuifunga kambi hiyo. Wakimbizi wa Libya wanaoishi katika kambi hiyo jana walikwamisha juhudi za vikosi vya usalama vya Tunisia vya kutaka kuondoa mahema yao kambini humo. Kambi hiyo ya Tunisia iliyoanzishwa mapema mwaka juzi hivi sasa inawahifadhi mamia ya raia wa Libya waliokimbia machafuko yaliyopelekea kung'olewa madarakani kiongozi wa nchi yao Kanali Muammar Gaddafi.

UNHCR ilitangaza mwezi Machi mwaka huu uamuzi wake wa kufunga kambi ya Choucha ifikapo Juni 30.  Hii ni katika hali ambayo Kamisheni Kuu ya Wakimbizi ya Umoja wa Mataifa jana pia ilisitisha misaada yake ya kibinadamu yakiwemo maji, chakula, vifaa vya umeme na huduma za kitiba kwa wkaimbizi wa kambi hiyo.