Je, Ni haki Mazishi ya Ngwea yageuka disko?

Katika eneo la makaburi ya Kanisa la Mtakatifu Monica yaliyopo katika Kata ya Kihonda nje kidogo ya Manispaa ya Morogoro juzi Alhamisi yaligeuka ukumbi wa disko baada ya baadhi ya vijana kuanza kuimba nyimbo mbalimbali za aliyekuwa msanii wa kizazi kipya marehemu Albert Mangwea huku wakicheza.

Katika eneo hilo pia kulitokea uharibifu wa kuvunjika kwa misalaba iliyotokana na baadhi ya waombolezaji kusimama juu ya misalaba hiyo na kusababisha uharibifu huo.

Wakati huohuo mratibu wa chama cha msalaba mwekundu mkoa wa Morogoro Wille Mathew  alithibitisha watu 15 kupoteza fahamu kutokana msongamano wa wananchi  waliohudhuria wakati wa kuaga mwili wa msanii huyo. Mazishi ya Ngwea aliyefariki Afrika Kusini wiki iliyopita yalihitimishwa majira ya saa kumi alasiri.